При засилена акциска контрола на Министерството за внатрешни работи на територијата на државата за санкционирање на возила кои се движат со брзина поголема од дозволената, спроведена во текот на вчерашниот ден, санкционирани се вкупно 204 возачи.
Како што соопшти денеска МВР, од вкупниот број на изречени санкции, од нив 5 возила се движеле со брзина над 50 километри на час повеќе од дозволеното. Притоа 141 возило ја пречекорило брзината во населено место, а 63 надвор од населено место.
На територија на главниот град Скопје биле изречени вкупно 171 мерка, меѓу кои за возење повеќе од дозволената брзина 70 санкции, 11 мерки за возење без возачка дозвола, 6 санкции за прекршоци што ги прават возачите на мотоцикли. Изречени се 22 мерки за прекршоци што ги чинат пешаците, 5 санкции за нерегистрирани возила, 9 мерки за користење мобилен телефон, 4 мерки за некористење на сигурносен појас, 7 мерки за минување на црвено светло и 24 мерки за непрописно паркирање.
Засилените акциски контроли продолжуваат и во наредните денови. Од МВР апелираат до граѓаните да ги почитуваат сообраќајните правила и прописи.