Попладнево УЕФА ја изврши жрепката за полуфиналето од завршниот турнир за тековнава сезона во Лигата на нации.
Во отсуство на актуелниот шампион Португалија, која не се пласира помеѓу најдобрите четири, Италија, Белгија, Франција и Шпанија ја дознаа својата судбина.
Фортуната сакаше во полуфиналето да играат Италија против Шпанија, а Беалгија против Франција.
Финалниот турнир ќе се игра од 6-ти до 10 октомври наредната година.
На 6-ти на „Џузепе Меаца“ во Милано ќе играат Италија против Шпанија, а ден подоцна на „Алианц“ во Торино ќе се сретнат Беалгија - Франција.
Финалниот ден на 10-ти ќе го почнат поразените во битката за 3. место во Торино, а потоа ќе следува финалето во Милано.