Фудбал

Ја мерка американската Златна копачка: Ибра е незапирлив

16. септември 2019 - 9:14 | А.С.

Легендарниот Златан Ибрахимовиќ продолжува да доминира во американската МЛС лига.

Поранешниот репрезентативец на Шведска заби дури три гола во победата од 7:2 на Лос Анџелес Галакси против Спортинг Канзас Сити, во двобојот што одлучуваше за место за доигрување во Западната конференција.

Ибра го одигра најдобриот натпревар во сезоната и сервираше фантастичен хет-трик. Прво заби гол за изедначување, па за водство од 3:1, а совршениот натпревар го потврди со третиот гол за 7:2.

Така Златан дојде до 26 гола во сезоната и го сруши клупскиот рекорд на Карлос Руиз кој има 24.

Со новите голови Ибра дојде на само два гола разлика од првиот стрелец во лигата – Карлос Вела – што покажува дека сериозно ја мерка американската Златна копачка.

Коментирај