Интересен настап на Санремо имаше Франческо Габани кој култната песна „Lasciatemi Cantare“ ја отпеа носејќи костим на астронаут.
За време на третата вечер на фестивалот Санремо во делот посветен на песните кои оставиле трага во италијанската и светската музика, популарната нумера „L'Italiano“ од 1983 година од Тото Кутуњо, позната и како „Lasciatemi Cantare“, ја изведе Франческо Габани. Тој излезе на сцената облечен како астронаут во чест на италијанските астронаути Лука Пармитано, Саманта Кристофорети, Умберто Гуидони, Франко Малерба, Паоло Несполи, Маурицио Кели и Роберто Витори.
Габани во 2016 победи на Санремо во натпреварувањето за дебитанти, а наредната година победи во главниот дел со песната „Occidentali's Karma“ и ја претставуваше Италија на Евровизија истата година.
По освојувањето на титулата светски шампион на италијанската фудбалска репрезентација во 2006 година, песната стана неофицијална химна на Италија.
