Со последното освежување, купувачите на хибридната plug-in верзија на теренецот на Jaguar можат да рачунаат на поголем капацитет на батеријата со која F-Pace без трошење на бензин може да помине 65 километри.
Британската автомобилска компанија Jaguar, која е под капата на индиската компанија Tata Motors, својот поголем SUV F-Pace премиерно го претстави пред 7 години, а по редизајнот кој го направи пред две години во Ковентри повторно значително го освежи моделот чија конкуренција се неколкуте теренци од сегментот D.
Според информациите кои пристигнаа од Tata Motors, најзначајното подобрување за F-Pace се однесува на зголемениот капацитет на Li-Ion батерија (19,2 kWh) која се напојува од електромотор во хибридната plug-in верзија P400e која сега без помош на дволитарскиот 4-цилиндричен турбобензинец може да помине 65 километри (WLTP), што е 20% повеќе во однос на претходната верзија.
Од Jaguar велат дека за полнење на батеријата од 0 до 80% на 35 kW DC се потребни 30 минути, а за да се наполни до 100% треба 7 kW полнач и 2 часа и 30 минути. Комбинираната сила не е променета, па plug-in F-Pace и натаму нуди 400 КС и 680 Nm најголем вртежен момент, што е доволно за забрзување од 0 до 100 км/ч за 5,3 секунди и 240 км/ч.
Ако нешто во меѓувреме не се промени, Jaguar од 2025 година ќе почне да произведува автомобили кои ќе ги покренува само електромотор, па од актуелната понуда ќе остане само моделот I-Pace.
