Францускиот авантурист Иван Бурњон и неговиот тим инженери дизајнираа јахта којашто ќе собира пластичен отпад од океанот и истиот ќе го користи како гориво.
Бурњон има богато искуство во пловење, а низ годините заклучил дека количината на пластичен отпад во океаните драстично се зголемува. Тоа го инспирирало да го започне проектот SeaCleaners и да формира тим за изградба на јахтата Manta. Станува збор за објект долг 56 метри придвижен од комбинација на напредна технологија за пловење и електрични мотори.
Во моментов, Manta е во фаза на концепт и развој, а целта е да се направи прототип до 2024 година. Оваа јахта ќе стане една од најголемите коишто директно собираат пластичен отпад од океанот.
Замислата е додека јахтата плови автоматски да го собира пластичниот отпад, со топење да содава гас којшто ќе ја придвижува турбината, а резултатот е создавање електрична енергија за мотори.
Благодарение на пластичниот отпад, јахтата ќе биде 70 проценти самоодржлива, а ќе има и соларни панели. Доколку се направат 400 вакви јахти ќе можат да исчистат третина од пластичниот отпад во океаните.