Преку набљудувањето на молекуларните облаци со помош на камерите од вселенскиот телескоп James Webb, научниците веруваат дека ќе откријат како настануваат планетите кои се погодни за живот.
Составени од замрзнати молекули на водород, гасови и прашина, молекуларните облаци се местото каде што се раѓаат ѕвездите и планетите. И најмногу оние каде што е возможен живот. Тим од научници кои ги проучуваат овие типови облаци сега ги користеа инфрацрвените камери на вселенскиот телескоп James Webb за да ѕирнат во една наречена Камелеон I, која се наоѓа на 500 светлосни години од нас.
Во Камелеон I забележале замрзнати молекули на карбонил сулфур, амонијак, метан, метанол и други, што сугерира дека еден ден од нив ќе се формира жешко јадро на ѕвезда или дел од егзопланета. Она што е особено интересно е дека нивната температура била -263 степени Целзиусови и дека содржат елементи неопходни за создавање на светови каде што може да се развие живот - т.е. молекуларен коктел познат како COHNS.
„Нашите резултати даваат увид вои почетната темна хемиска фаза од формирањето мраз на муѓуѕвездените зрнца прашина која ќе прерасне во каменчиња со големина на сантиметар од кои се формираат планети“, објаснува авторката на студијата, Мелиса Меклур од Лејден, опсерваторија во Холандија.
Таа и нејзиниот тим, исто така, идентификувале некои посложени молекули за кои не знаат која е нивната улога и засега можат само да понудат објаснување во форма на хипотеза дека најверојатно се формирани во молекуларни облаци, пред ѕвездата во зародиш да ги искористи за нејзиниот раст.
Сепак, прашањето кое за астрономите и натаму останува отворено е како некои населливи светови - како нашиот - добиваат свој коктел COHNS и дали во тој процес одредена улога играат кометите и астероидите.
„Ова е само прва во низата спректрални снимки на основа на која гледаме како мразот еволуира од почетната синтеза до регионот на протопланетарни дискови кои ги формираат кометите“, вели Меклур. Ова ќе ни каже која мешавина од мраз и елементи може да биде испорачана на површината од егзопланета од земјин тип или вградена во атмосферата на џиновските гасни ледени планети“.
Истражувањето е објавено во магазинот Nature Astronomy.