„Јандреев шприц“ – патент иновација на прилепски гимназијалец

Прилеп, 21 септември 2019 (МИА) – Сашо Јандрески, 16-годишен гимназијалец, ученик во втора година во прилепската гимназија „Мирче Ацев“ измисли и патентираше нов, уникатен шприц за инјектирање лекови и корисен во медицински цели. Јандрески својот изум го патентираше и го презентираше пред медицинските работници и пред јавноста синоќа во големата сала на Домот на културата „Марко Цепенков“.

Средношколецот Јандрески речиси една година со тим од три професорки кои му ја дадоа поддршката, работеше на обликувањето на прототипот кој е наречен „Јандреев шприц“ и според Јандрески ова доаѓа како прв изум во медицината кај нас по 25 години.

Објаснувајќи како функционира „Јандреевиот шприц“, Јандрески вели дека идејата се родила по волонтирањето во прилепската Итна медицинска помош и во болницата „Борка Талески, сакајќи да се спасува живот и да се заштитат здравствените работници од евентуална зараза од Хепатит Б и Ц.

-Со овој нов модел на шприц, здравствените работници целосно се заштитени од каква било зараза од Хепатит Б и Ц при давањето терапија. Заштитени се и ветеринарите, фармацевтите, лаборантите. Самиот шприц е достапен во два вида: од обична и од биоразградувачка пластика. Од тој аспект мислевме на заштитата на животната средина, па професорката по биологија Наташа Милеска Михајлоска од прилепското основно училиште „Климент Охридски“ каде учев,  со мене неуморно работеше на сите истражувања, објаснува Јандрески.

Во врска со функционирањето на шприцот, тој појаснува дека функционира на тој начин што под дејство на притисок, притисочната рачка со иглата излегува во иглената комора, под дејство на ротација се ослободува иглата, се дозира и се вбризгува.

-Шприцот е компактибилен за секаков вид терапии: дермална, епидермална, мускулна и интравенозна.По инјектирањето на лекот, иглата се повлекува и навлегува во волуменската капсула, доаѓа до блокаторот кој го блокира целиот шприц. Шприцот е само за една употреба. За шприцот дојдов на идејата волонтирајќи во Службата за итна медицинска помош и во прилепската болница „Борка Талески“ на педијатриското одделение. Идејата е да ги заштитам здравствените работници од Хепатит Б и Ц. Функционира под дејство на ротацијата на притисочната рачка. Моето мото е дека иднината е во сите нас, сите да бидеме креативни, да создадеме нешто подобро за нашата држава, за целото општество, за целиот свет, вели Јандрески.

Според него, ваков модел на шприц не постои никаде, а пред еден месец е патентиран во Заводот за заштита на индустриската сопственост.

-На идејата и на моделот на овој нов, единствен ваков шприц со тимот работевме 11 месеци, од ноември лани. Го претставуваме прототипот. Може во иднина да се додаваат механизми, да има втора верзија. Но, главно е дека сите идеи и критериуми со кои почнавме се задржани во моделот. Медицинските лица го прифатија позитивно, имаме мислење и од Министерот за здравство Венко Филипче, рече Јандрески.

На синоќешната презентација на „Јандреевиот шприц“ професорките-менторки: Стефани Видеска порфесор по македонски јазик во прилепската гимназија,  Моника Богданоска, наставник по математика, како и  Наташа Милеска Михајлоска, професор по биологија, и двете во ОУ „Климент Охридски“ каде учел гимназијалецот Сашо Јандрески, со гордост нагласија дека ова е голем пример на еден млад човек како со упорност, голема желба и ентузијазам, па и посветеност се стигнува да се направи многу, особено ако се има мотив да им се помогне на луѓето.

Според професорката Наташа Милеска Михајлоска сѐ е заслуга на ученикот Сашо, а сите му биле голема поддршка.

-Сашо е млад човек кој е многу успешен во тоа што го работи. Почетоците му беа со мене. Работевме на многу проекти и каде и да се појавеше земаше видни награди од државни натпревари. Тоа беше поттик за неговата идеја да волонтира во Итната помош, во прилепската болница. Почнувајќи од основното училиште „Климент Охридски“ кога се заинтересира за природните науки и со искуството при волонтирањето несебично помагајќи им на луѓето, сето тоа е основа за ова што го направи денес. Прво, со шприцот, почнавме како проект, но сфативме дека може да има примена. Сето беше макотрпна работа, но идејата за шприцот е целосно негова. Ние му бевме морална поддршка за да не прекинува со неговото истражување. Еве каде го доведе денеска тој труд и производот е патентиран а за откупувањето на патентот, засега не може да кажеме, но се надеваме, вели Милеска Михајлоска.

Голема поддршка Јандрески има и од градот Прилеп. Градоначалникот Илија Јованоски, поздравувајќи го неговиот изум и ентузијазам рече дека Сашо имал можност да работи во лабараториите за да го заврши своето дело.

-Овој проект е пример дека креативните начини на пренесувањето на знаењето и менторството поттикнувата на креативност. Фасцинира посветеноста во работата и во остварувањето на креативните идеи и замисли, рече Јованоски.

Сашо Јандрески напомена дека ангажирале адвокатска канцеларија за правна помош и се надева дека „Јандреевиот шприц“ ќе биде откупен и достапен за употреба.

реклама

Со едноставен водоводџиски трик ослободете се од смрдеата од одводот

Read more

Трик со омекнувачот за облеката да мириса убаво и до седум дена

Read more

Во која храна ги има трите минерали најважни за тироидната жлезда?

Read more

Марула - ја сметаме за најобична салата, а лечи болести и помага при слабеење

Read more

Македонија

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Read more

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Read more

Почна реконструкцијата на стариот пешачки мост на Вардар

Read more

Приватните специјализанти на протест пред Министерството за здравство

Read more
 

Вести

Странските компании загубија 107 милијарди долари со повлекувањето од Русија

Читај повеќе

Пет сценарија како Франција може да се вмеша во војната во Украина

Читај повеќе

Трет ден се трага по Данка, се проверуваат телефоните на родителите

Читај повеќе

Раст на Волстрит по три дена пад

Читај повеќе

Путин: Обвинувањата дека Русија ќе ја нападне Европа по Украина се глупост

Читај повеќе

Италија има план како да ја сотре мафијата – Коза ностра прва на нишан

Читај повеќе

Ковачевски: СДСМ ќе ја внесе Северна Македонија во ЕУ и ќе ги зачува вредностите на ЕУ дома

Читај повеќе

ГРОМ, Интегра и ПЦЕР се здружија: Коалицијата Храбро за Македонија нема да поддржи уставни промени ниту пред, ниту по изборите

Читај повеќе
  • play_arrow

Објавено аудио за херојот од Балтимор: Веднаш блокирајте го сообраќајот на мостот

Читај повеќе