Кошаркарот на Милвоки Бакс, Јанис Адетокунбо зборуваше за ситуацијата во НБА лигата.
Сезоната ќе продолжи на 31 јули во Орландо. Неговите Милвоки Бакс се први на Истокoт и имаат најдобар резултат во лигата. Јанис смета дека оваа сезона ќе се памети долго време бидејќи натпреварите ќе се играат без публика.
Најважно, според Гркот, е да се биде ментално подготвен.
– Мислам дека најтешко ќе биде да останеме ментално стабилни. Ќе биде тешко, нема да можеме да го видиме семејството три месеци. Ќе играме без навивачи. Сето тоа влијае на психата. Мора да преминеме преку тоа. Кој и да ја освои титулата, ќе биде многу ценет, додаде Јанис.