Изминатиот јануари беше најтоплиот јануари на планетата досега и за нијанса потопол од истиот месец во 2016 година, потврди Европската служба за климатски промени Copernicus.
По рекордната топла деценија, завршена со 2019 година која беше втората најтопла регистрирана година на планетата, новата деценија почнува со истиот тренд.
Во јануари просечната температура на планетата ја надмина за 0,03 степени температурата од јануари 2016 година, кој важеше за најтоплиот јануари забележан досега.
Повеќето зони во светот бележат температури повисоки од просечните. Според Copernicus, петте најтопли години се всушност последните пет години, кога температурата порасна меѓу 1,1 и 1,2 степени над температурата во прединдустриската ера.
Деценијата 2010-2019 е најтопла од почетокот на мерењето. Со сегашното темпо планетата би можела да добие до четири или пет степени до крајот на столетието.