Јапонците ја лансираа во вселената најмалата ракета во светот
Иако минатата година тоа не им појде од рака, јапонската агенција за истражување на вселената JAXA конечно успеа да ја лансира најтенката и најмала ракета на светот во Земјината орбита.
Од JAXA велат дека лансирањето на ракетниот модел SS-520-5 бил демонстрационен експеримент. Ракетата со себе го носеше сателитот TRICOM-1R, кој тежи три килограми и набрзо беше оставен во орбитата. Со помош на овој сателит вработените во JAXA ќе можат да ја надгледуваат Земјата преку неколку камери.
Ова ракета е долга 9,54 метри, има дебелина од само 0,52 метри, а тежи 2,6 тони. Изработката на моделот SS-520-5 чинеше скоро пет милиони долари.