Јапонскиот град Чибу, во истоимената префектура каде утре за време на посетата треба да игра голф американскиот претседател Доналд Трамп, денеска беше погоден од силен земјотрес што, според прелиминарните податоци, беше од 5,3 степени, објави јапонскиот јавен сервис НХК.
Земјотресот бил почувствуван и во Токио што е на 60 километри од Чибу.
НХК објави дека по земјотресот не е објавено предупредување на цунами.
Трамп со сопругата Меланија неколку часа подоцна пристигна во официјална посета на Јапонија.
Според американски медиуми, на Трамп му се подготвува „шарм офанзива” што ќе го подигне неговото его.
Јапонскиот премиер Шинѕо Абе ќе оди со Трамп на голф, а потоа и на сумо натпревар, каде што Трамп ќе му додели на победникот „Трамп куп” направен во САД.
„Во сите земји во светот, јас сум почесен гостин на најголем настан што го имаа во последните 200 години”, рече Трамп.