Јапонија ќе се фокусира на хоспитализација на пациентите кои се сериозно болни од COVID-19 и на оние кои се во ризик тоа да станат, додека останатите ќе бидат изолирани дома, соопштија денеска властите.
Овие најави доаѓаат среде загриженоста поради преполнетиот медицински систем во услови кога расте бројот на инфицирани со коронавирусот во Токио, каде во моментов се одржуваат Олимписките игри, пренесе Reuters.
Јапонија е соочена со зголемен пораст на случаи на заразени, со повеќе од 10.000 нови инфекции дневно. Зголемен е бројот на заразени млади луѓе на возраст од 40 и 50 години, со тешки симптоми на болеста.
Јапонскиот премиер Јошихиде Суга изјави дека владата ќе обезбеди луѓето кои се во изолација дома да бидат хоспитализирани ако е тоа потребно.