Јапонски уролози потврдија дека „squirting“, кој некои жени го доживуваат во текот на оргазам, е всушност течност која се исфрла од бешиката. Со тоа е решена една од долготрајните мистерии на женскиот оргазам.
Жените можат да произведат повеќе видови течности во текот на сексуалниот однос. Во фазата на возбуда вагината ослободува течност која служи за подмачкување. Штом жената доживее оргазам од уретрата понекогаш може да се исфрлат две видови течности, млечна течност која се лачи во мали количини и бистра која се ослободува во големи количини.
И двете течности до неодамна беа опишани како женска ејакулација. Сепак, сега тој израз е резервиран само за млечната течност, додека наведениот „squirting“ се користи за опишување на ослободувањето бистра течност. Се смета дека околу 5% од жените во западните земји во текот на оргазмот ослободуваат и бистра течност, но досега постоеја дилеми за тоа од каде доаѓа истата.
Одговорот го имаат јапонски уролози чија студија е објавена во списанието International Journal of Urology. Потврдено е дека бистрата течност доаѓа од бешиката, но сега се отвораат нови прашања. Дали таа течност има ист состав како урината и зошто некои жени исфрлаат таква течност, а некои не?
Жените кои учествувале во студијата имале добра контрола на бешиката, што сугерира дека нивното прскање не е предизвикано од уринарна инконтиненција. Јапонските уролози забележале дека во време на оргазмот четири волонтерки во студијата доживеале и женска ејакулација и дека двете течности се помешале во уретрата.
