Двата мали ровери што ги испрати Јапонската вселенска агенција на астероидот Ryugu ги испратија првите фотографии и податоци од мисијата, пренесува BBC.
„И двата ровери се во одлична состојба“, објави Агнецијата покрај првата фотографија од астероидот.
Ова е прв пат вселенско летало успешно да спушти роботски ровери на површината на еден астероид. Овој астероид е во облик на дијамант и се движи околу својата оска еднаш на секои седум и пол часови. Научниците веруваат дека под површината астероидите содржат информации за создавањето на нашиот соларен систем.
„Очекуваме астероидот да е богат со вода и органски материјали што ќе им помогнат на научниците подобро да ја разберат интеракцијата меѓу материјалите од кои е составена Земјата и развојот на нејзините океани и животот на неа. Со тоа понатаму ќе ја развиваме науката за Сончевиот систем“, велат од Агенцијата.