Сојузот за младинска работа (СМР) со особена чест и гордост го објавува јавниот повик за доделување на стипендијата „Билјана Василевска-Трајкоска“ за постдипломски академски студии по младинска работа.
Оваа стипендија е востановена во чест на Билјана Василевска Трајкоска, истакната активистка и лидерка во областа на младинската работа, која со својата визија, посветеност и енергија даде значаен придонес во развојот и професионализацијата на младинската работа во нашата држава.
Стипендијата е наменета за сите заинтересирани лица кои планираат да се запишат на постдипломските студии по младинска работа на Филозофскиот факултет при Универзитетот „Св. Кирил и Методиј“ и ги исполнуваат критериумите за упис на оваа студиска програма.
Заинтересираните кандидати треба да ја достават потребната документација најдоцна до 10 февруари 2025 година, до 23:59 часот.
Детални информации за условите за аплицирање, потребната документација и процесот на селекција се достапни на официјалната веб-страница на СМР на следниот линк:
🔗 https://smr.org.mk/2025/01/31/јавен-повик-за-доделување-на-стипендии/
Ги повикуваме претставниците на медиумите да ја споделат оваа информација и да придонесат кон навремено информирање на потенцијалните кандидати за оваа значајна можност.
Сојузот за младинска работа останува посветен на унапредување и развој на младинската работа во Република Македонија.
