ЈО ги презема предметите од СЈО, правните експерти поделени

Скопје, 7 септември 2019 (МИА) – Јавното обвинителство на Република Северна Македонија ги презема во надлежност и натамошно постапување предметите од СЈО, додека во Собранието продолжуваат преговорите меѓу власта и опозицијата за Законот за јавно обвинителство.

Јавното обвинителство, одлуката за преземање на предметите ја заснова на уставната положба  на ЈО како единствен државен орган надлежен за гонење на сторителите на кривичните дела и на други со закон утврдени казниви дела, начелото на легалитет на кривичното гонење, според кое јавниот обвинител е должен да преземе кривично гонење, ако постојат докази дека е сторено кривично дело за кое се гони по службена должност, како и  обврската во име на општеството да се грижи за ефикасноста на кривично – правниот систем,   почитувајќи го принципот на правна сигурност на граѓаните како темелна вредност на владеењето на правото.

Правните експерти пак се поделени за тоа дали постои правна основа државниот јавен обвинител Љубомир Јовески да ги преземе предметите од Специјалното јавно обвинителство, додека премиерот Зоран Заев верува дека е можен договор и Парламентот со консензус да го изгласа Законот за јавното обвинителство.

Академик Владо Камбовски, кој учествува на консултациите во Министерството за правда за новиот закон за јавното обвинитѕелство, смета дека предметите на СЈО може да преминат во Јавното обвинителство и за тоа има законска основа.

– Државниот јавен обвинител има овластување според уставната поставеност на Јавното обвинителство која е заснована на хиерархиска субординираност, да презема предмети од други обвинителства. Тоа решение треба да се реализира и според мое мислење предметите треба да се доделат на обвинителите од СЈО, рече вчера Камбовски.

Универзитетскиот професор Гордан Калајџиев, кој исто така е дел од експертската работна група во Министерството за правда, смета дека Катица Јанева нема овластување ниту во нормални услови, ниту пак сега кога е во притвор да ги делегира предметите од СЈО во друго обвинителство.

-Таа овие предмети ги добила со закон и мора да ги работи. Во случајот има поднесено оставка и не може да се однесува во стилот после мене потоп. Можеше да се избере нов јавен обвинител, но најстрашно е што за такво нешто не постои интерес. Никаде во законот не е предвидено СЈО да ги предаде сите предмети, особено не во ваква ситуација каде на Јанева практично и е завршен мандатот и каде нема политичка волја да се избере нов обвинител, вели Калајџиев.

Премиерот Зоран Заев, вчера кажа дека примарна цел е и останува да се најде договор, бидејќи како што кажа договорот е гаранција за реализацијата на новото законско решение.

– Не сме толку далеку од решение. Може да се изнајде решение. Верувам дека може да се најде решение. 15 септември доаѓа и да не се најде решение, предметите одат кај државниот обвинител. Ако се најде решение по законот, пак одат кај државниот обвинител, значи декако е тоа решението. Веројатно на специјалната јавна обвинителка Катица Јанева тоа е и поривот да ги предаде предметите, изјави Заев.

Уште еднаш повтори дека верува во договор и Парламентот со консензус да го изгласа Законот за јавното обвинителство.

реклама

Ослободен американски педофил кој беше осуден на 1.000 години затвор

Read more

Може ќебапи, не може цигари: Кои производи може да ги купувате со картичката Купувам домашно?

Read more

Спасовски: Домашна платежна картичка и за пензионери и неактивни баратели на работа

Read more

Орел улови двометарска ајкула во САД

Read more

Македонија

Вице Заев: Објавените разговори се лаги од трети лица

Read more

Манчевски: Безидејната ВМРО-ДПМНЕ во својата програма ветува проекти што СДСМ веќе ги спроведе

Read more

Спасовски: Домашна платежна картичка и за пензионери и неактивни баратели на работа

Read more

Николоски од Прилеп: ВМРО-ДПМНЕ нема да дозволи увоз додека не се откупи домашниот тутун

Read more

Вести

Вице Заев: Објавените разговори се лаги од трети лица

Читај повеќе
  • play_arrow

Манчевски: Безидејната ВМРО-ДПМНЕ во својата програма ветува проекти што СДСМ веќе ги спроведе

Читај повеќе
  • play_arrow

Спасовски: Домашна платежна картичка и за пензионери и неактивни баратели на работа

Читај повеќе
  • play_arrow

Николоски од Прилеп: ВМРО-ДПМНЕ нема да дозволи увоз додека не се откупи домашниот тутун

Читај повеќе

Земјоделец загина во несреќа со трактор

Читај повеќе

Сафет Бишевац позитивен на COVID-19

Читај повеќе

Може ќебапи, не може цигари: Кои производи може да ги купувате со картичката Купувам домашно?

Читај повеќе

ГОБ „8 Септември“: Нема листа на чекање за итни операции

Читај повеќе

Интегра ја презентираше програмата во Куманово

Читај повеќе