Јогуртот и кефирот содржат многу здрави состојки, од калциум, преку пробиотици до протеини.
Покрај тоа, едно израелско истражување сега откри дека пробиотиците во јогуртите навистина можат да го намалат воспалението и да го зајакнат имунитетот.
Многу луѓе се чувствителни на лактоза и млечни производи и мораат да ги избегнуваат. Но, оние кои немаат такви проблеми можат слободно да ги консумираат. Во последниве години, научниците имаа спротивставени мислења за млечните производи. Некои тврдат дека овие производи можат да доведат до широк спектар на болести кои вклучуваат артритис и депресија и акни, додека други сметаат дека млечните производи се корисни.
Сепак, за оние кои консумираат јогурт затоа што веруваат во неговите придобивки, сега има уште една добра вест. Двајца истражувачи кои спровеле универзитетско истражување во Израел откриле дека молекулите од пробиотици во кефирот значително го намалуваат нивото на инфекција со агенс што предизвикува колера.
Во следната студија, истражувачите откриле дека истите молекули исто така дејствувале како антиинфламаторно дејство против некои модели на вирусно заболување. Ова вклучуваше „цитокинскабура“, што е имунолошки одговор идентификуван како главна причина за смрт кај пациенти со COVID-19.
„Нашето истражување за прв пат фрла светло на механизмот со кој ферментираните млечни пробиотици можат да штитат од патогени инфекции и да му помогнат на имунолошкиот систем“, вели професорот Раз Јелинек, потпретседател за истражување и развој на Универзитетот Бен Гурион во Негев.
