Денвер Нагетс го одиграа својот прв натпревар без Џамал Мареј, многу важен играч во нивните шампионски амбиции, и ги совладаа Мајами Хит со 123:106.
Голем дел од товарот на овој натпревар понесе Никола Јокиќ.
Мареј ги скина лигаментите на левото колено и прашање е кога ќе се врати на паркетот, што значи дека Нагетс останаа без неговите 21,2 поени, четири скока и 4,8 асистенции по натпревар. На првиот натпревар на кој беше отсутен, Денвер не чувствуваше големи проблеми, меѓу другото и поради големиот придонес на играчите од клупата кои постигнаа 48 поени.
Денвер до победата го водеше одличниот Мајкл Портер Џуниор со 25 поени, 10 скока и три блокада, а Јокиќ повторно беше одличен со својот 15-ти трипл-дабл оваа сезона и вкупно 56-ти во кариерата во НБА. Постигна 17 поени, имаше 11 скока и 10 асистенции. Кај Мајами најмногу поени постигна Бам Адебајо - 21.
