Во текот на ноќта во НБА лигата се одиграа 11 натпревари, а главни на вечерта беа Никола Јокиќ и Лука Дончиќ. И двајцата запишаа дабл-дабл.
Денвер Нагетс го победи Голден Стејт Вориорс со 119:115 благодарение на одличниот Јокиќ.
Србинот за 40 минути постигна 38 поени со 10 скока и 6 асистенции и го предводеше Денвер до 11-тата победа сезонава.
Дончиќ исто така мина 40 минути на паркетот, а во победата на Далас Маверикс над Мемфис Гризлис од 121:116 постигна 37 поени со 12 скока и 4 асистенции.
Кливленд Кавалирс не го дава врвот на Истокот, но ноќеска имаше лесна задача дома со последнопласираниот во истата конференција, Вашингтон Визардс. Домаќините уште во првата четвртина поведоа со 15 разлика и потоа го имаа резултат под контрола.
Еван Мобли запиша дабл-дабл со 19 поен и 10 скокови, а 19 поени уфрли и Донован Мичел додавајќи и 5 скока и 7 асистенции. По 14 поени постигнаа Сем Мерил и Жорж Нианг.
Кај гостите Литванецот Јонас Валанчиунас имаше дабл-дабл ефект со 13 поени и 11 скокови.
Резултати:
Шарлот Хорнетс - Филаделфија 76ерс 104:110
Кливленд Кавалирс - Вашингтон Визардс 118:87
Детроит Пистонс - Милвоки Бакс 107:128
Њујорк Никс - Орландо Меџик 121:106
Торонто Репторс - Индијана Пејсерс 122:111
Оклахома Сити Тандер - Јута Џез 133:106
Далас Маверикс - Мемфис Гризлис 121:116
Феникс Санс - Сан Антонио Спарс 104:93
Денвер Нагетс - Голден Стејт Вориорс 119:115
Сакраменто Кингс - Хјустон Рокитс 120:111
Лос Анџелес Клиперс - Портланд Треил Блејзерс 127:105
Табели:
