Никола Јокиќ постигна 22 поени, имаше 15 скока и шест асистенции, Расел Вестбрук додаде 25 поени, а Џамал Мареј постигна 24 со осум асистенции за победата на Денвер Нагетс над Сакраменто Кингс од 116:110 во четвртокот вечерта. Нагетс до победата дојдоа со пресврт во последните минути од играта.
Демар Дерозан постигна 18 од своите 35 поени во третата четвртина, со што Сакраменто дојде до водство од 93-84 влегувајќи во четвртата четвртина. Денвер дојде до првото водство на натпреварот по тројката на Зеке Ннаџи на нешто повеќе од осум минути до крајот, а победата ја обезбеди со слободните фрлања на Јокиќ и Мареј во последните минути.
Јокиќ синоќа шутираше 9/18 од поле и беше под просекот на сезоната во поени и асистенции. Имал и седум промет. Трикратниот МВП на НБА и фаворит за четвртото МВП признание сезонава има просек од 28,9 поени, 12,7 скока и 10,4 асистенции по натпревар, што се најдобри бројки во неговата кариера.
Дерозан постигна 35 поени, зграпчи шест скока и подели пет со соиграчите за кошот, а Зек Лавин додаде 20 за Сакраменто, кој го претрпе првиот пораз по серијата од четири победи. Нагетс со победата ја стегна борбата за второто место на Западот, кое моментално го држи ЛА Лејкерс, освежени со доаѓањето на Лука Дончиќ. Нивната победничка серија е долга од седум натпревари и најдолга активна во Западната конференција на лигата.
