Ноќеска се одиграа 10 натпревари во НБА, а нови сјајни партии имаа Никола Јокиќ и Лука Дончиќ.
Јокиќ незадржливо ита кон титулата за најкорисен играч сезонава. Ноќеска го предводеше Денвер Нагетс до победа над Чикаго Булс со 131:127 и тоа по продолженија.
На српскиот центар на крајот му недостасуваше само една асистенција за да запише нов трипл-дабл откако натпреварот го зварши со 34 поени, 15 скокови и 9 асистенции.
И Лука Дончиќ за малку не прослави трипл-дабл. Словенецот застана на 38 поени, 9 скокови и 9 асистенции што сепак не беше доволно за неговиот Далас Маверикс да оствари победа губејќи со 125:119 на гости кај Портланд Треил Блејзерс.
Портланд победата ја оствари благодарение на расположените бекови СиЏеј МекКолум со 32 поена и Демиен Лилард со 31.
Резултати:
Бостон Селтикс - Сакраменто Кингс 96:107
Кливленд Кавалирс - Сан Антонио Спарс 110:116
Хјустон Рокитс - Детроит Пистонс 100:113
Мемфис Гризлис - Голден Стејт Вориорс 103:116
Мајами Хит - Индијана Пејсерс 110:137
Орландо Меџик - Бруклин Нетс 121:113
Торонто Репторс - Јута Џез 112:115
Денвер Нагетс - Чикаго Булс 131:127 прод.
Феникс Санс - Минесота Тимбервулвс 113:101
Портланд Треил Блејзерс - Далас Маверикс 125:119