Никола Јокиќ уште еднаш покажа дека моментално е најдобриот кошаркар на планетата.
Со одлична партија во која забележа 40 поени, 13 асистенции, седум скока, без ниту една загубена топка, практично сам ја победи Минесота со 112:97 и му донесе предност на Денвер од 3:2 во серијата во полуфиналето на Западната конференција.
Јокиќ беше расположен по дуелот на кој по трет пат го доби признанието за најкорисен играч (МВП) на најсилната лига во светот.
„Тоа беше момент кој ќе го паметам до крајот на мојот живот. Ја почувствував љубовта на публиката, соиграчите и тренерите и тоа е најважно“, накратко го прокоментира добивањето на највредното индивидуално признание во светот на кошарката.
Против најдобриот дефанзивец во лигата Руди Гоберт постигна 40 поени.
„Не ме чуваше само Гоберт. Три од нив се сменија на мене, ако ги броиш повремените Андерсон и четири. Само се обидував да бидам агресивен и да ја читам нивната игра. Успеав да го направам тоа вечерва“, скромно изјави Јокиќ.
Во петтиот натпревар имаше две забивања и неколку неверојатни додавања одзади.
„Јас сум чудо на природата! Зошто да не ги покажам своите неверојатни атлетски способности?“, изјави Јокиќ со шеговит тон.
По мечот, Арон Гордон изјави дека Јокиќ е генијалец, додека тренерот Мајк Мелоун е убеден дека Србинот е член на Mensa, организација која собира луѓе со висок коефициент на интелигенција.
„Тие претеруваат. Јас не сум ниту гениј, ниту член на Mensa. Интересно“, изјави Јокиќ.
Шестиот натпревар меѓу Минесота и Денвер се игра во Минеаполис ноќта меѓу четврток и петок од 14 часот и 30 минути.
