Јокиќ направи трипл-дабл па откри дека се допишувал со Дончиќ за време на трејдот

Денвер Нагетс на домашен терен го совладаа Њу Орлеанс Пеликанс со 125:113, а до третата последователна победа ги предводеше српскиот ас Никола Јокиќ.

Нагетс одлично го отворија натпреварот и по првата четвртина имаа двоцифрено водство кое само растеше до крајот на првото полувреме (68:50).

Пеликанс потоа се разбудија во третата четвртина, успевајќи да ја намалат разликата, но немаа сила за ништо повеќе во завршната фаза од мечот, па Нагетс мирно го приведоа мечот до крај и остварија нова победа.

Најдобар играч кај Денвер беше феноменалниот Јокиќ, кој оствари нов трипл-дабл со 27 поени, 14 скокови и 10 асистенции. Одлична поддршка имаше од Мајкл Портер Џуниор, кој постигна 36 поени, додека Треј Марфи беше најефикасен кај гостите со 41 поен.

Денвер е на 4. место во Западната конференција на НБА со 31 победа и 19 порази, додека Њу Орлеанс е на 14-тото со скор 12-38.

По натпреварот Јокиќ на прес-конференција беше запрашан за трејдот на Лука Дончиќ, кој Далас Маверикс го испрати во Лос Анџелес Лејкерс во замена за Ентони Дејвис. Откри и дека тој веќе се слушнал со Лука.

„Се допишував со него, тој тоа не очекуваше, се разбира... Мислам дека сега мора да биде со семејството, тоа е голем трансфер. Тоа е бизнис, никој не го очекуваше, особено тој. Никој не е сигурен во лигата, но мислам дека ќе заврши добра работа. Тој е играч за големата сцена, имаше нешто посебно во Далас, но...“, изјави Јокиќ.

Резултати:

Шарлот Хорнетс - Вашингтон Визардс 114:124
Детроит Пистонс - Атланта Хокс 130:132
Њујорк Никс - Хјустон Рокитс 124:118
Мемфис Гризлис - Сан Антонио Спарс 128:109
Минесота Тимбервулвс - Сакраменто Кингс 114:116
Оклахома Сити Тандер - Милвоки Бакс 125:96
Денвер Нагетс - Њу Орлеанс Пеликанс 125:113
Јута Џез - Индијана Пејсерс 111:112
Голден Стејт Вориорс - Орландо Меџик  104:99
Портланд Треил Блејзерс - Феникс Санс 121:119 прод.

Табела: