Српскиот кошаркар со сјајна партија му донесе триумф на Денвер над Сан Антонио, додека изненадување на вечерта е поразот на Далас кој со Дончиќ загуби од слабиот Хјустон.
Крајно ефикасниот прв дел им припадна на гостите од Сан Антонио со 30:32 и тоа сосема заслужено бидејќи Спарс речиси цело време водеа. Но, од средината на втората четвртина Денвер успеа да направи пресврт и на полувреме замина со 54:50.
Иако на почетокот на третата четвртина Спарс ја анулираа предноста на домаќините и дури и во еден момент остварија двоцифрена предност од 58:68, потоа кошаркарите на Сан Антонио необјасниво забележаа пад во играта на крајот од истата четвртина, па Денвер го презеде водството и го задржа до крајот.
Најдобар на паркетот беше Никола Јокиќ кој за нешто повеќе од половина час постигна 25 поени со 9 скокови и 10 асистенции, додека во поразениот табор се истакна Мареј со 18 поени со 5 скокови и 6 асистенции.
Денвер е на 4. место на Западот со скор од 33-18 и е во одлична серија од 7 победи во низа, додека Сан Антонио е 9-ти со 24-25 и 4 порази во серија.
Изненадување на вечерта е поразот на Далас Маверикс на гостувањето кај претпоследниот тим на Западот, Хјустон Рокитс, со 102:93. Домашните до победата беа предводени од сјајниот Џон Вол кој за околу 34 минути уфрли 31 поен со 3 скока и 7 асистенции.
Лука Дончиќ беше најефикасен во поразениот табор, но ни нему ни на неговите соиграчи не им беа доволни неговите 23 поени, 9 скокови и 5 асистенции. Исто поени постигна и Латвиецот Кристапс Порзињѓис, но со 12 скокови и една асистенција.
Ова е 22 пораз за Далас кој и натаму е седми на Западот и ја прекина серијата од пет победи во серија.
Резултати:
Индијана Пејсерс - Минесота Тимбервулвс 141:137
Орландо Меџик - Вашингтон Визардс 116:131
Бостон Селтикс - Њујорк Никс 101:99
Бруклин Нетс - Њу Орлеанс Пеликанс 139:111
Атланта Хокс - Мемфис Гризлис 113:131
Хјустон Рокитс - Далас Маверикс 102:93
Оклахома Сити Тандер - Шарлотс Хорнетс 102:113
Денвер Нагетс - Сан Антонио Спарс 106:96
Феникс Санс - Јута Џез 117:113 прод.
