Кошаркарите на Денвер Нагетс ноќеска доживеаја незгоден пораз од Хјустон Рокитс со 124:103 и на три кола до крајот од регуларниот дел ја загрозија водечката позиција на Западот.
Српскиот претставник и центар на Нагетс имаше дабл-дабл учинок со 14 поени, 10 скока и четири асистенции, но имаше и осум загубени топки, поради што беше особено критичен кон себе по натпреварот.
„Добро го започнавме натпреварот, но целосно ја загубивме контролата во вториот дел. Дури и кога создававме отворени шутеви, промашувавме, тоа беше еднострана игра - промашувавме и слободни фрлања, тие блокираа удари, ни скокаа во нападите“, рече Јокиќ и додаде:
„Да почнам од себе, имав некои загубени топки. Не невнимателно, топката ме удри в нога, туку изгубени топки што обично ми се случуваат. Не знам што го предизвика тоа, мораме да бидеме подобри како група. Физички се чувствував добро, но не одиграв добро, ќе видиме“, изјави Јокиќ.
Резултатската клацкалка се гледаше во поголемиот дел од средбата, така што последниот тим на Западот ја направи клучната разлика во решавачката четвртина, кога на крилата на Грин и Портер дефинитивно го реши победникот.