Во текот на ноќта во НБА лигата се одиграа седум натпревари, а на дури пет славеа домаќините.
Минесота го победи Денвер со 130:115 и ја прекина серијата на Нагетс од пет последователни победи.
Никола Јокиќ повторно беше најдобар во редовите на Денвер со 21 поен, 16 скока и 8 асистенции, но не беше задоволен од својата игра и сам се означи како виновник за загубениот меч.
„Имав пет загубени топки. Морам да играм подобро како лидер или што и да сум веќе во тимот. Не можам да имам најмногу загубени топки на секој натпревар“, изјави Јокиќ.
Една од двете гостински победи забележа Голден Стејт, без најголемите ѕвезди Стеф Кари, Клеј Томпсон и Дрејмонд Грин.
Вориорс го победија Сан Антонио со 124:120 со 31 поен на Џордан Пул, додека на другата страна Дејонте Мареј постигна 27.
Резултати:
Детроит - Њу Орлеанс 101: 111
Милвоки - Вашингтон 112: 98
Торонто - Мајами 110: 106
Чикаго - Орландо 126: 115
Минесота - Денвер 130: 115
Сан Антонио - Голден Стејт 120:124
Феникс-Бруклин 121:111.