Во НБА синоќа се одиграа два натпревара, а централна фигура беше Никола Јокиќ.
Неговиот тим Денвер победи со 122:110 на гостувањето кај Оклахома Сити, а Јокиќ во триумфот учествуваше со 15 поени.
Сепак, српскиот центар забележа по 13 скока и асистенции и го оствари долгоочекуваниот трипл-дабл со кој влезе во историјата на НБА.
За Јокиќ тоа беше 79. трипл-дабл во кариерата, со што стана центар со најмногу вакви учиноци во кариерата.
Претходниот рекорд го држеше легендарниот Вилт Чејмбрлејн, кој пред 50 години го постигна својот 78. трипл-дабл.
Јокиќ сега е петти на вкупната трипл-дабл листа на играчи. Лидер е Расел Вестбрук со 194, потоа Оскар Робертсон (181), Меџик Џонсон (138), Џејсон Кид (107) и Леброн Џејмс (105).
Синоќа имаше и средба помеѓу Орландо и Голден Стејт на која домаќинот победи со 130:129 и покрај дури 39 поени на Стеф Кари.