Ноќеска Денвер Нагетс на домашен терен убедливо го совладаа Сан Антонио Спарс со 126:101, а еден од најдобрите поединци на натпреварот беше Никола Јокиќ, кој забележа нов дабл-дабл учинок.
Имено, српскиот центар го заврши натпреварот со 21 поен, 6 скока и 10 асистенции и воедно беше втор стрелец во победничката екипа зад Бонс Хајленд.
Јокиќ на тој начин уште еднаш го доведе Денвер до победа која не беше доведена во прашање во текот на целиот натпревар, а имаше и чудесни додавања.
Едно такво нешто се случи во средината на третата четвртина кога од првото движење неочекувано му додаде на соиграчот под кошот, кој потоа поентираше.
Сите љубители на кошарката беа воодушевени од неговиот потег, вклучувајќи го и официјалниот НБА Twitter профил кој ја сподели оваа магија.
Инаку, Денвер е на третото место во Западната конференција со 6 победи и 3 порази, додека Сан Антонио е на 10-ти со скор 5-5.