Јокиќ влезе во историјата на НБА, одигра партија каква никој друг не успеал

Денвер Нагетс на домашен терен го совлада Феникс Санс со 149:141, а српскиот центар Никола Јокиќ одигра натпревар каков што на никој во историјата на НБА не му успеало.

Имено, Јокиќ на теренот мина 45 минути и за тоа време оствари брутален трипл-дабл. Постигна 31 поен, имаше 21 скок и на сето тоа додаде неверојатни 22 асистенции. Погоди 10/15 за два поени, 3/7 за три и 2/3 од линијата за слободни фрлања. Никој пред него не успеал да постигне ваква статистика во сите три најважни категории.

Тоа беше и личен рекорд на Јокиќ кога се во прашање асистенциите, а сега е центар со најмногу асистенции во историјата на НБА.

Инаку, неговите Нагетс одлично го започнаа натпреварот против Санс и водството постојано растеше до полувремето (68:56). Сепак, во последната четвртина Санс завршија одлична работа и се изборија за продолженија. Сепак, немаа сили за конечен пресврт, па Денвер успеа да обезбеди нова победа.

Заедно со Јокиќ кај Нагетс се истакна и Арон Гордон со 27 поени од кои 7 тројки, со што го изедначи рекордот во кариерата, а Кристијан Браун го заврши натпреварот со 25 поени. Кај Феникс најдобар беше Девин Букер со 34 поени, додека Кевин Дурент постигна 29 поени.

Денвер е на третото место во Западната конференција со 41 победа и 22 пораза, додека Феникс е на 11-то место со скор 29-34.

Резултати:

Шарлот Хорнетс - Кливленд Кавалирс 117:118
Далас Маверикс - Мемфис Гризлис 111:122
Торонто Репторс - Јута Џез 118:109
Мајами Хит - Минесота Тимбервулвс 104:106
Оклахома Сити Тандер - Портланд Треил Блејзерс 107:89
Денвер Нагетс - Феникс Санс 149:141 прод.
Сакраменто Кингс - Сан Антонио Спарс 127:109
Лос Анџелес Клиперс - Њујорк Никс 105:95

Табела: