Српскиот центар Никола Јокиќ имаше одлична вечер во НБА ноќеска носејќи му победа на својот тим, додека Леброн Џејмс стана втор играч во НБА историјата кој ја надмина границата од 38 илјади поени во кариерата.
Денвер Нагетс го совлада Орландо Меџик со 119:116, а Јокиќ ги постигна решавачките поени во последната секунда.
Резултатот на семафорот гласеше 116:116, па Јокиќ реши да го заврши дуелот со удар за 3 поени, и успеа во тоа, за големо славје на домашните навивачи.
Српскиот центар натпреварот го заврши со трипл-дабл учинок. Уфрли 17 поени со 10 скока и 14 асистенции.
Одличен индивидуален настап имаше и Леброн Џејмс, но неговиот Лос Анџелес Лејкерс на домашен терен загуби од Филаделфија 76ерс со тесни 113:112.
Леброн постигна 35 поени со 8 скока и 10 асистенции, со што стана само вториот играч во историјата на НБА кој ја надминал границата од 38.000 поени.
Пред него на вечната листа е само Карим Абдул-Џабар со 38.387 поени, а доколку Леброн остане здрав, нема сомнеж дека наскоро ќе го престигне и него и ќе стане најдобар стрелец во историјата на НБА.
Резултати:
Детроит Нагетс - Њујорк Никс 104:117
Лос Анџелес Клиперс - Хјустон Рокитс 121:100
Бруклин Нетс - Оклахома Сити Тандер 102:112
Сан Антонио Спарс - Сакраменто Кингс 119:132
Портланд Треил Блејзерс - Далас Маверикс 140:123
Табела:
