По напорната НБА сезона во која повторно ја освои титулата МВП, Никола Јокиќ реши да се врати во родниот Сомбор и да одмори со она што најмногу го опушта, да биде со своите коњи.
Токму во Сомбор делегацијата на Денвер Нагетс, предводена од тренерот Мајкл Мелоун, му го врачи МВП трофејот на Јокиќ пред неговата коњска штала.
Јокиќ на хиподромот дојде со својот Mercedes Brabus G63 AMG, кој вреди 250.000 евра и секако е препознатлив по улиците на Сомбор.
Кога ќе ги видите карактеристиките на автомобилот на Јокиќ, јасно е за каков ѕвер се работи.
Има 4.000 кубика и 800 КС, забрзува до 100 km/h за 4,1 секунда, а тежи околу 3,2 тони. Под хаубата се наоѓа би-турбо V8 мотор, а максималната брзина е ограничена на 240 километри на час, токму поради неговата тежина од 3,2 тони.
Овој џип на Јокиќ е специјално прилагоден само за него, па внатрешноста е уникатно уредена, со портокалова кожа, има карбонска хауба, алуминиумски ергономски лостови на воланот за менување брзини, има и специјално направени тркала Monoblock F Black Platinum.
Карактеристично за овој џип е тоа што може да се стартува додека се приближува до возилото благодарение на системот keyless go.
Неговата потрошувачка е околу 16,5 литри на 100 километри, а на автопат паѓа и до 11 литри на 100 километри.