Приватните превозници велат дека дека се подготвени да почнат со вршење на превоз во оној момент кога ќе им биде расчистен долгот или барем некој дел од него, за да може да се надмине настанатиот хаос.
„Ние не сме терористи, па да има страв градоначалничката да седне со нас да преговара. Кажете една закана и уцена, дали некому му зедовме пари, дали некому му отидовме дома да му се закануваме, дали кажавме еден погрден збор. Едноставно, луѓето си ги бараат парите. Не може тоа да се третира како закана ниту како притисок. Имаме разбирање, со секого се седнува да се преговара. Очигледно е дека некој не сака да го реши проблемот, изјави денес Ленин Јовановски од „Слобода превоз“ на прес-конференција пред просториите на Град Скопје.
Јовановски потсети дека за в понеделник е најавена помасовна блокада и тоа на повеќе крстосници, кај „Мавровка“ и „Црвен крст“ и целосна блокада на булевар „Илинден“, ако нема договор со Градот.
