Директорот на приватниот превозник „Слобода превоз“, Ленин Јовановски, преку социјалните мрежи информира дека завршила контролата на УЈП и од записникот не се констатирани никакви неправилности и криминали, но е констатирано дека ЈСП има долг кон фирмата.
„Заврши контролата на УЈП во Слобода Превоз и видено од записникот не се констатирани никакви неправилности, криминали, полнење приватни џебови и сл. Но, констатирано е дека ЈСП си има долг кон Слобода Превоз од над ЕДЕН МИЛИОН ЕВРА.
Е сега, жал ми е за сите оние што поверуваа на лагите на психопатот кој ја смисли оваа ујдурма и купи неколку дена за сопствената неспособност, а дежурните будали мастурбираа на таквите перверзии“, напиша Јовановски на Facebook.
Претходно, Јовановски ги повлече автобусите од блокадите и изјави дека очекува да бидат повикани на средба со премиерот.
„Ги очекувам податоците од Управата за јавни приходи бидејќи кажав дека дискусијата со превозниците мора да се базира на факти. Кога ќе ги добиеме податоците за параметрите за кои имаше јавна дискусија меѓу ЈСП, приватните превозници и Градот Скопје, тогаш ќе можеме да организираме еден таков состанок на кој ќе може одблиску да се запознаеме со проблемот, меѓутоа тоа не значи дека како Влада влегуваме во било какво преземање на наделжностите на Градот Скопје бидејќи, како што можам да се информирам од медиумите, градот Скопје веќе има отпочнато постапка за доорганизирање на системот на јавен превоз. Меѓутоа тоа се информации само на ниво на медиумски информации со оглед на тоа дека немаме координација со Градот Скопје“, рече Ковачевски пред два дена.
Дали ќе има средба, останува да видиме.
