Јулијана Величковска ја промовира илустрираната книга за деца „Ведра“

Авторката, преведувачка и уредничка Јулијана Величковска на 28 јануари (сабота), во Сала Империјал 2 во Културно информативниот центар – Скопје, ќе ја промовира книгата за деца „Ведра“, илустрирана од Марио Каев.

Промоторка на настанот што ќе почне во 18:30 ч е Весна Мојсова-Чепишевска, а за музичкиот дел ќе биде задолжен Јован Јовановски

Поетот, писател и есеист Ѓоко Здравески, за „Ведра“ ќе рече дека е „приказна што си игра со архетипите, влегува длабоко и таму буричка, менува, поправа, разместува, отклучува.“

„Го има оддалечувањето од домот, ги има опозициите добро – зло, светло – темно, блиску – далеку, но има и изненадувања, кои самите ќе ги откриете кога ќе ја прочитате. ‘Ведра’ ги има главните карактеристики на литературата за деца: директно му се обраќа на детето, ненаметливо го подучува, нежно влегува во неговиот несвесен свет и таму менува колективни знаења што не се нужно точни; покрај тоа, духовита е, и приказната и илустрациите. Децата ќе ја обожаваат. И, како и секоја добра приказна за деца, ова не е само приказна за деца, туку е приказна за секого.“

Авторката Ана Голејшка-Џикова истакнува дека „Ведра“ е како „микро и макро патување низ сите сплетени приказни од народното творештво со најбрз кабриолет и со најфраерски очила за сонце!“

„Ова е сликовница омаж на пријателството, слатководна, брзоречита, лесночитлива во изразот. Играта со римата и песнопојот во текстот, прави чувство како да сте во постојан ритам на приказната, како да пеете. Мајсторски се вметнати елементи од современите и вечни стравови на децата (инјекции, манџи, ако плачеш – ќе ти дојде змејот!) и на родителите (дете што постојано плаче или постојано e на таблет). Сладокусна, вкусна, игрива и поучна приказна за деца, но и за возрасни. Илустрациите го доловуваат ефектот на спектакл преку интензивните, конкретни бои (...) оваа сликовница работи со архетипски слики, пренесувајќи ја најубавата порака – кога ти е тешко, исплачи се. Ќе ти се разведри и ќе ти стане полесно. Само читај и верувај во добрината“, порачува Голејшка Џикова.

„Волшебна приказна за една волшебна плачка ‒ малата принцеза Ведра. Бајка која ќе им помогне на малите плачковци да победуваат змејови, а на возрасните да не ги осудуваат кога плачат. Забавна, имагинативна и фантастично илустрирана книга, која ни ја открива скриената моќ на солзите“, смета писателот Иван Шопов.

Јулијана Величковска дипломирала на Филолошкиот факултет „Блаже Конески“ при Универзитетот „Св. Кирил и Методиј“ во Скопје. Таа е членка на организацискиот одбор на интернационалната културна манифестација „Поетска ноќ во Велестово“ – Охрид. Членка е на Друштвото на писателите на Македонија. Основачка е на издавачката куќа „ПНВ Публикации“ од Скопје, и коосновачка и директорка е на „Скопскиот поетски фестивал“.

Авторка е на монографијата „XX години Поетска ноќ во Велестово“ (2009, ПНВ); стихозбирките „Комарци“ (2010, ПНВ) и „Отворена книга“ (2017, ПНВ Публикации); романот „Годишни времиња“ (2014; 2015; 2017, ПНВ Публикации), и на книгата за деца „Ведра“, илустрирана од Марио Каев, (2022, ПНВ Публикации), како и на повеќе од дваесет и пет книжевни преводи од англиски, руски, хрватски и црногорски јазик.

Нејзините песни се препеани и објавени на дваесетина светски јазици. Застапена е во неколку антологии на македонската современа поезија издадени во Македонија, во Србија, во Чешка, во Грција, во Италија и во Колумбија, во две антологиии на современата светска поезија, едната издадена во Кина, а другата во Албанија, како и во три антологии на куси раскази, објавени во Македонија.

Нејзиниот роман „Годишни времиња“ беше објавен и на бугарски јазик во превод на Поли Муканова од страна на издавачот „Ерго“ од Софија во 2017г.

реклама

Ибра: Имам толку многу пари, а брат ми не успеав да го спасам

Read more

Како правилно се јаде јапонско јаболко?

Read more

Ретрограден Меркур им ги враќа бившите на 4 хороскопски знаци

Read more

НАЈДИ МЕ - Систем за рано предупредување за исчезнати деца во Македонија

Read more

Книги

Летен список за читање

Read more

Васил Ханџиски утре ја промовира „Сложувалка“ во „Буква“

Read more

Почина познатиот чешки писател Милан Кундера

Read more

Од печат излезе Варшава го исцртува Скопје од Кинга Нетман-Мултановска

Read more
 

Магазин

Евтино, а вкусно: Макарони со компири и сланина

Читај повеќе

Зошто е важно да внесувате цинк и кои се најдобрите извори?

Читај повеќе

Пет загрижувачки начини на кои студеното време влијае на телото

Читај повеќе
  • play_arrow
  • filter

Најубавата собирачка на топчиња која го крсти детето по Рафаел Надал

Читај повеќе

Колку време смеете да го чувате месото во замрзнувач?

Читај повеќе

Луѓето родени во 90-тите имаат полошо ментално здравје од која било друга генерација

Читај повеќе

Зошто родителите сè почесто го бираат шведскиот модел на воспитување деца?

Читај повеќе

Само уште неколку часа ве двојат од луксузно патување во Дубаи, BMW1, iPhone 14 pro, гејминг лаптоп Lenovo

Читај повеќе
  • play_arrow

Доктор предупредува што може да се случи ако спиеме само 5 часа

Читај повеќе