Кристијано Роналдо беше исфрлен од тимот на Манчестер Јунајтед пред два дена.
„Кристијано нема да биде дел од тимот на Манчестер Јунајтед за натпреварот против Челси кој се игра в сабота.
Остатокот од тимот се подготвува заедно за тој натпревар“, објави Јунајтед на својата веб-страница.
Да потсетиме, Роналдо своеволно не влезе во игра на натпреварот од 12. коло на Премиер лигата, во кој Јунајтед го победи Тотенхем со 2:0.
Тен Хаг: Продолжуваме понатаму
Сепак, вчера проговори менаџерот на Јунајтед, Ерик тен Хаг, кој ги откри плановите со Португалецот:
„Сметам на Роналдо до крајот на сезоната. Не сметам на него за Челси, а потоа продолжуваме понатаму. Кристијано останува важен дел од тимот и сметам на него до крајот на сезоната, да. Тој не е во тимот, но тренира за да се одржи во форма за следниот натпревар против Шериф. Го сакам во тимот и вклучен во секој натпревар бидејќи има влијание“.
Од десет првенствени настапи, Роналдо само на три играше како стартер, а на последните две дербија, против Сити и Тотенхем, не ни играше. Последниот натпревар го пропушти самоволно, а од почетокот играше само во второлигашот Лига Европа.