Манчестер Јунајтед ја забележа втората победа на турнејата низ САД. „Црвените ѓаволи“ изминатата ноќ славеа над Реал од Солт Лејк со 2:1.
Луис Силва му донесе предност на Реал по 20 минути игра, а девет минути подоцна израмни Мхитаријан. Конечниот резултат го постави Лукаку во 38 минута. За Белгиецот ова беше деби гол во дресот на Манчестер Јунајтед.
Инаку двата тима одиграа невообичаен натпревар, тренерот на Реал во 30 минута се реши на измена, но не замени еден туку од теренот го извади целиот тим. Пред крајот на натпреварот Реал замени уште петмина играчи.
Од друга страна Жозе Мурињо сите 11 играчи ги смени во паузата помеѓу двете полувремиња.
Јунајтед мечот го заврши со играч помалку бидејќи Валенсија во 67 минута поради груб старт доби црвен картон.
