Борусија Дортмунд е сериозна во намерата да му понуди на најбрзиот човек на светот, легендарниот Јусеин Болт, шанса да ги покаже своите квалитети како фудбалер.
Работите се изгледа договорени, повеќекратниот олимписки шампион ќе пристигне на фудбалска проба и тоа во големиот германски гигант.
Puma, која е спонзор на клубот и на славниот атлетичар кој се повлече, била главен фактор во целата приказна.
Претседателот на Дортмунд Вацке прифатил, па Болт штом ќе се опорави од повредата ќе пристигне на „Вестфален“.
Тој има 31 година и негов сон е да заигра за Манчестер Јунајтед, но првата шанса ќе ја добие меѓу „Милионерите“.
„Тоа е мојот сон да играм фудбал и ќе се обидам да го остварам, не ми е гајле што мислат луѓето. Секако, доколку увидам дека не ми оди и го немам потребниот квалитет нема да се срамам“, вели Болт.
„Точно е, добив повик од Дортмунд, сега е само важно да се подготвам и да се излечам од повредата. Потоа ќе пробам во Борусија, кој знае што ќе се случи, важно е да пробам“, додаде Болт.