Во Италија на големо се шпекулира дека Јувентус е подготвен летово да го продаде полскиот голман за да го донесе младиот Донарума од ривалот Милан.
Како што пишува Tuttosport, за Војчех Шченсни има и тоа како голем интерес, па на „Старата дама“ нема да ѝ биде тешко да најде купец. Засега неименувани клубови од Премиер лигата и од Бундеслигата веќе го изразиле својот интерес. Се очекува неговата цена да биде околу 20 милиони евра.
Полјакот е најплатен голман во Серија А со плата од 6,5 милиони евра по сезона, па неговата продажба финансиски ќе му дозволи на Јуве да тргне го Џиџи Донарума, кого цела Италија го гледа како новиот Буфон.
Било каква зделка се очекува да се прави по завршувањето на сезоната. Донарума сака да игра за клуб кој се натпреварува во Лигата на шампиони, па доколку Јувентус не успее да влезе во елитата, младиот голман не би имал никаков мотив да ја промени средината. Воедно, и неговиот Милан може да се избори за место во елитата.
Токму в недела во Торино во директен дуел ќе се сретнат Јуве и Милан. На четири кола до крајот за три места во Лигата на шампиони се борат Аталанта, Јуве, Милан, Наполи и Лацио.