Јувентус го победи Порто со 3:2 во реваншот од Лигата на шампиони по продолженијата, но беше елиминиран поради помалку голови во гости.
Јувентус даде повеќе од 100 милиони евра на шпанскиот гигант Реал Мадрид за нивниот најдобар фудбалер во историјата, Кристијано Роналдо. Го доведоа, пред сѐ, за конечно да ги спаси од проклетството и да ја освојат Лигата на шампиони за првпат од 1996 година.
Италијанскиот шампион го донесе Роналдо пред три години, а со славниот Португалец во три сезони не стигна ниту до полуфиналето. Роналдо има постигнато вкупно 14 погодоци во ЛШ за три сезони во Јувентус, еден помалку отколку што го постигна минатата година во Реал во ЛШ. Покрај тоа, Јувентус до неговото доаѓање двапати играше во финале на Лигата на шампиони во последните десет години, а со најскапиот играч во историјата на клубот не излезе надвор од четвртфиналето.
Сè уште не е познато каква е иднината на 36-годишниот Роналдо во „Старата дама“.
Претседателот на Јувентус, Фабио Патричи, завчера го коментираше договорот на Роналдо за Sky Sports.
„Кристијано има уште една година договор со нас. Продолжувањето на неговиот договор не е наш приоритет во моментов, имаме време да разговараме за тоа“, рече Патричи.
Италијанскиот новинар Фабрицио Романо претходно извести дека судбината на Португалецот наскоро ќе се дискутира во клубот. Договорот на Роналдо со Јувентус трае до крајот на сезоната 2021/22.
Романо исто така наведува дека Јувентус ќе изврши ремонт на тимот и дека Вестон Мекени (22), Федерико Кјеза (23), Матјас Де Лигт (21) и Војчех Шчесни (30) ќе бидат играчите околу кои ќе се гради новиот Јувентус.
Сигурно е дека Арон Ремзи, кој не се покажа како засилување, ќе го напушти клубот, а тренерот Андреа Пирло веќе најави дека ќе остане на клупата и дека нема намера да се повлече по резултатскиот неуспех во Лигата на шампиони.