Во натпреварот кој го отвори денот во Серија А попладнево Јувентус со 2:0 ја совлада Болоња и им се врати на победите по поразот од Интер минатото коло.
Победата за „Старата дама“ ја најави Артур во 15. минута по асистенција на Кристијано Роналдо.
На вториот гол се чекаше до 71. минута кога американскиот интернационалец Вестон МекКени, проигран од Хуан Куадрадо, го дуплираше водството поставувајќи ги конечните 2:0.
Јувентус со овие три бода сега има 36 и се израмни со Аталанта на 4. место на табелата. Воедно, го искористи киксот на Милан и Интер за да им се доближи на -7 односно -5, а во прилог на Јуве е и фактот што има натпревар помалку.
За Болоња ова е 9-ти пораз сезонава со кој колово ќе го мине на 13. место со 20 бодови.