Клубот од Торино заедно со спонзорот Adidas го преставија домашниот дрес со кој тимот ќе настапува наредната сезона.
Јувентус го задржува традиционалниот дизајн со бели и црни ленти со тоа што дресот и малку наликува на ретро бидејќи не содржи модерни додатоци и игри со дизајнот освен ѕвездите во долната половина.
Затоа, пак, дресот е направен со новата технологија HEAT.RDY - KEEP COOL која има за цел да ги одржува играчите свежи и суви во текот на целиот натпревар оптимизирајќи ја терморегулацијата.
Новиот дрес ќе дебитира на утрешното финале од Копа Италија против Аталанта, а играчите ќе го носат и на последниот натпревар од сезоната во Серија А против Болоња викендов.
Од денеска дресот е пуштен и во онлајн продажба на веб-страницата на Adidas.
