Јувентус ќе му даде на Пеп Гуардиола сѐ што е потребно за да го убеди да замине од Манчестер Сити и да се приклучи на „Старата дама“ летово, пишуваат англиските медиуми.
Италијанците очајнички сакаат да го донесат Гуардиола на позицијата менаџер, иако Маурицио Сари ја презеде оваа должност пред нецела година.
Претседателот на Јуве, Андреа Ањели, е убеден дека Гуардиола е алката што недостига за да може „Старата дама“ да ја освои Лигата на шампиони за првпат од 1996 година.
Тоа значи дека ќе му дозволи на Гуардиола да ги постави условите, вклучувајќи го и прашањето за парите, сметаат англиските медиуми.
The Sun исто така дознава дека Јуве е подготвен да даде 150 милиони фунти за да го донесе Вирхил ван Дајк од Ливерпул.
Гуардиола, кој заработува околу 15 милиони фунти годишно во Манчестер Сити, инсистира дека планира да го продолжи неговиот престој на „Етихад“ во петта сезона. Во Сити сметаат дека воопшто не станува збор за негово заминување.
Но, Јуве знае дека додека договорот не е „црно на бело“, има простор за многу промени.
Откако Гуардиола изјави дека Сити сега се „доволно големи и добри“ за да може да привлекуваат ѕвезди без него, Ањели пак ќе си ја проба среќата.
Инсајдер во Јувентус вели дека „Андреа никогаш не криел дека е заинтересиран за Гуардиола“
„Андреа мисли дека Гуардиола ќе сака да дојде во Италија кога ќе дојде време да замине од Англија. Прашањето е дали сега е дојдено времето, но тој ќе направи сѐ за да го оствари тоа“, тврди изворот.
Јувентус се обиде да го привлече Шпанецот минатото лето, по заминувањето на легендата Макс Алегри, но на крај заврши со Сари.
