Италијанскиот шампион Јувентус сака на позајмица да го врати францускиот фудбалер Пол Погба, од Манчестер Јунајтед во следниот трансфер период.
Имено, Погба поради наводни несогласувања со тренерот Жозе Мурињо би можел повторно да го облече дресот на „Старата дама“, екипата која ја напушти летото 2016 година, за да направи трансфер во Јунајтед за тогаш рекордни 105 милиони евра.
Според пишувањата на медиумите на Островот, Јунајтед дури и одредил цена од 160 милиони евра за трансфер, но Јувентус прво би сакал да го доведе Погба само на позајмица.
Меѓутоа, Јуве би можел да има сериозна конкуренција во ПСЖ, кој наводно исто така пројавил интерес да го види Французинот во своите редови, но претходно од клубот од Парис ќе мораат да видат како стојат со финансискиот фер плеј на УЕФА.
За потсетување, Погба кариерата ја почна во Јунајтед. Меѓутоа, не се согласуваше со Ферги, па легендарниот тренер на „Црвените ѓаволи“ немилосрдно се откажа од неговите услуги, за потоа Погба да замине во Јуве каде со своите феноменални партии за четири сезони се трансформираше во еден од најдобрите играчи за врска со светот.
Французинот оваа сезона одигра 32 натпревари за Манчестер Јунајтед во сите натпреварувања, притоа постигна пет погодоци и запиша 12 асистенции.