Актуелниот италијански шампион успеа да дојде до трите бода против Рома и искористувајќи го киксот на Интер сега е сам на лидерската позиција.
Јувентус го отвори резултатот уште во 3-тата минута преку турскиот дефранзивец Мерих Демирал кој беше најснаодлив во домашниот шестнаесетник. Ова е прв гол за Турчинот во дресот на Јуве и тоа во седмиот негов натпревар.
Набрзо потоа Жордан Верету го собори Пауло Дибала во шестнаесетиникот и Јувентус доби пенал. Успешен реализатор беше Кристијано Ронално во 10-тата минута.
Рома не можеше да се опорави од раната негатива од два гола и во првиот дел не успеа да го намали резултатот, а капак на сѐ беше и повредата на Николо Ѕаниоло кој на носилки беше изнесен. Тој заработи повреда при еден слалом низ гостинската одбрана откако само со прекршок можеше да биде запрен.
Во вториот дека Рома успеа во 68-мата минута да го намали резултатот откако Диего Пероти реализираше удар од белата точка. Казнениот удар дојде откако Алекс Сандро играше со рака.
До крајот римјаните имаа шанси за израмнување, но промашуваа при завршниот удар. Ова е втор пораз за нив во серија откако минатиот викенд загубија од Торино, исто така дома.
Сега Јувентус има 48 бодови и е сам на првото место откако Интер во саботата одигра само 1:1 дома против Аталанта и сега заостанува два бода. Рома е на делба на 4-тото место токму со Аталанта со 35 бодови.