Јужна Кореја го предложи својот прв закон за истополови бракови, потег што граѓанските групи го нарекоа „одлучувачки во борбата за еднаквост“.
Законот за рамноправност на бракот, предложен од Јанг Хје-јонг од помалата опозициска партија Правда, се обидува да го измени граѓанскиот законик на земјата за да ги легализира истополовите бракови.
Предлог-законот веројатно нема да помине и е еден од трите нацрт-закони што се очекува да го зголемат притисокот врз владата да ја прошири идејата за семејство надвор од традиционалните критериуми.
Другите два закони се однесуваат на граѓански здруженија и ин витро оплодување за немажените жени.
Јужна Кореја не признава граѓански истополови партнерства. Уставот предвидува бракот и семејството да се засноваат „на достоинството на поединецот и еднаквоста на половите“. Оваа одредба вообичаено се сметаше за ограничување на бракот на заедницата на парови од различен пол.
„Ова е историски момент, но ова е само почеток“, изјави за Guardian Рју Мин-хи, адвокат од Групата на граѓани на Кореја за брачна еднаквост.
На претходните напори да им се дадат законски права на истополовите парови се спротивставија религиозните групи кои тврдат дека таквите потези ќе ја „легализираат хомосексуалноста“.
Според Hankook Research, 52 отсто од испитаниците биле против идејата за воведување истополови бракови во Јужна Кореја.
