Највисокиот суд во Јужноафриканската република, ја легализираше употребата на канабис за возрасни лица на приватен имот.
Кога уставниот суд го одобри овој закон, активистите кои се залагаа за него, својата радост ја изразија пеејќи ја песната „Weed are free now“, пишува „BBC“.
Се почна кога тројца консуматори беа уапсени поради употреба на марихуана, па тогаш истакнаа дека забраната претставува ограничување на слободата на нивниот избор и навлегува во приватниот живот.
„Ако некоја возрасна личност користи или одгледува марихуана за приватни цели, тоа нема да биде земено како прекршок“, стои во одлуката на судот.
Меѓутоа, она што е незаконски е користењето на канабис во јавност, односно негова продажба.
Оваа пресуда е само еден потсетник за тоа дека уставот на Јужноафриканската Република е еден од најлибералните во светот, односно дека се бори за еднакви права на сите, во овој случај за право на одгледување и пушење на сопствена марихуана.
Некои од државите кои исто така го легализираа канабисот се и Холандија, Португалија, Чешка, Аргентина, а во Северна Кореја оваа билка не се смета за дрога, додека од друга страна пак, во Кина, Египет, Франција, Индонезија, Јапонија, Малезија, Нигерија, Норвешка, Филипините, Полска, Куба, Саудиска Арабија, Јужна Кореја, Тајланд, Турција, Украина, Обединетите Емирати и Виетнам, употребата на канабис е строго забранета и се казнува со закон.