Познатите актери Ештон Качер и Рис Витерспун се појавија на насловните страници на странските магазини бидејќи на премиерата на нивниот нов филм изгледаа многу сериозно, поради што медиумите мислат дека актерите се скарале.
Затоа актерот објасни зошто тој и Витерспун се однесувале чудно додека стоеле еден до друг за време на гостувањето во подкастот „Chicks in Office“.
„Вака стојат работите. Да ја гушкам и да се дружев со неа, ќе почнеше муабет дека имаме афера. Ако застанам до неа и ги ставам рацете во џеб, нема шанси да почне гласина дека имаме афера“, изјави актерот.
Актерот наведе дека двајцата се многу блиски пријатели и дека тоа го поддржува и неговата сопруга Мила Кунис. Во интервјуто дури изјави дека им се јавила да им каже да бидат поинтимни на фотографиите за да не бидат исмејувани на социјалните мрежи.
„Ми се јави жена ми. Таа ни испрати пораки во кои пишуваше: 'Момци, треба да се однесувате како да си допаѓате еден на друг“, рече Качер.
Инаку, Качер и Витерспун глумат пријатели во новиот филм „Your Place or Mine“, каде што решаваат да си ги сменат домовите на некое време додека не откријат што сакаат во нивните врски.
Филмот ќе биде достапен за гледање на Netflix од 10 февруари.
