Кадаифот е неизоставен десерт на традиционалната рамазанска трпеза. Но, во него може да ужива секој. Ова е малку поинаков начин за негова подготовка од традиционалниот.
Кадаиф е десерт кој потекнува од арапскиот свет од каде и го добил името по арапскиот збор قطايف (катајеф) што значи кадифе. Во балканската кујна е донесен од Османлиите кои го земале од Арапите кои исто така долго време ги владееле.
Нашиот предлог е рецептот за кадаиф долма, пополарен десерт од турскиот регион Ерзурум. Обично се подготвува со пржење на масло, но може да се припреми и со печење.
Потребни состојки:
- 300 гр кадаиф
- 1 чаша ореви
- 3 јајца
- 1 чаша млеко
- 1 лажица ванила
- за преливот: - 2 чаши шеќер
- 2 и пол чаши вода
- 3-4 капки лимонов сок
Подготовка:
Прво направете го преливот со варење на шеќерот, водата и 3-4 капки сок од лимон. Оставете го сварениот прелив да се излади.
Исечкајте ги и подгответе ги оревите, а потоа исечкајте го кадаифот на парчиња со големина од 20 до 30 сантиметри. Потоа ставете од оревите на едниот крај од кадаифот и завиткајте го. Остатокот од кадаифот завиткајте го на истиот начин.
Изматете ги јајцата, млекото и ванилата и со добиената мешавина прелијте го кадаифот.
Во длабоко тавче добро загрејте масло и ставете го кадаифот да се пржи. Кога се ќе испржи ставете го во изладениот прелив и на крај сервирајте и украсете по желба.
