Француските медиуми се загрижени за отсуството на претседателот Емануел Макрон од фокусот на јавноста.
Некои медиуми објавија дека тимот на претседателот го советувал да одбегнува привлекување внимание непосредно по аферата Бенала и хаосот со „Жолтите елеци“.
Според Le Figaro, последниот официјален настан на агендата на Макрон беше неговата дводневна посета на Чад минатата недела каде се сретна со француските војници распределени таму како дел од операцијата Barkhane против бунтовниците во земјата.
Макрон последен пат се појавил на ТВ во вторникот, во прилог на France 2 што беше снимен во неделата за време на неговата посета на Африка.
Емануел Макрон нешто го нема и на Twitter, со исклучок на кратката порака за Божик до граѓаните на Франција.
Елисејската палата официјално одговори на прашањето на францускиот канал BFMTV дека „претседателот сака да одмори неколку дена со семејството“.
Но, медиумите шпекулираат дека Макрон се држи „под радарот“ на совет на неговите најблиски соработници.
Близок пријател на Макрон наводно му рекол „да не меша со масите“ бидејќи тоа може „да го направи народот нервозен“.
Според анкетата спроведена во почетокот на декември, Макрон има рекордно низок рејтинг од 23 проценти, во споредба со 34% во август годинава.